Romper un silenciu de nueve años sí tenía perdón. Y non solo perdón, tamién l’agradecimientu fondu de quien los acompañaron na llarga trentena de conciertos que fixeron de la xira de retornu de Standstill un acontecimientu.

Enric Montefusco, Ricky Falkner, Piti Elvira y Ricky Lavado descubrieron que la so buelga ye muncho más fonda de lo que nunca llegaron a imaxinar. Un enantes y un depués na música española que se llabró a güelpe de discos como Vivalaguerra.

Espublizáu en 2006 ente l’unánime reconocimientu de crítica y públicu, Vivalaguerra significa la consagración de la banda nel so camín a la autoedición, el so abrazu definitivu al castellanu y la definitiva incursión nel rock esperimental ensin llendes.

Épica intimista, poesía existencial y absolutos himnos nun clásicu total que revisiten agora, venti años depués nel escenariu del Prestoso.