A estes altures, nun fai falta muncha presentación pa una banda de la que tol mundu fala.

Sprints formóse en 2019, cuando Karla, el guitarrista Colm O’Reilly y el baterista Jack Callan, que yá tocaben xuntos baxo una forma anterior que taba diliendo adulces, tuvieron un momentu d’illuminación nun conciertu de Savages: ellos tamién podíen tocar la música que realmente escuchaben y amaben. D’entós a esta parte, malapenes si fixeron posa p’alendar, fichando con City Slang y recibiendo afalagos per tolos escenarios que pisen.
Depués d’un primer LP, Letter to self, que los punxo nel radar de mediu mundu y que tuvo en toles llistes de lo meyor del añu a nivel mundial, la banda va tar presentando’l recién All that is over, con unas crítiques ablucantes reforzaes por un directu que fai fumu onde Karla Chubb fai de maestra de ceremonies.