Nesti humilde equipu tenemos una norma non escrita: pa qu’una banda vuelva al Prestoso han pasar, a lo menos, cinco años. Ye bona verdá que tenemos el privilexu de que munches d’elles incumplen esta norma asistiendo como públicu.

Nun teníemos nenguna dulda de qu’una de les primeres bandes escoyíes pa entrar nesi ¿selectu? grupu d’artistes que repite visita diben ser Rufus T. Firefly. Y somos mui afortunaos de que fore tan cenciello da-y forma.

Aquel 2018 celebremos la nuestra tercer edición, una de les más sufríes por culpa d’un bastiazu que casi nos lleva per delantre, pero apaecieron los Rufus colos cantares de «Magnolia» y «Loto» pa dar forma a un directu balsámic que tovía recordamos davezu. Préstanos pola vida tener a los d’Aranjuez otra vuelta per equí. Siempre pensemos que tenemos característiques comunes, caún dende la nuestra posición y, si, amás, vienen con Todas las cosas buenas bajo el brazo nun podemos pidir muncho más.
Préstanos pola vida tener a los d’Aranjuez otra vuelta per equí. Siempre pensemos que tenemos característiques comunes, caún dende la nuestra posición y, si, amás, vienen con Todas las cosas buenas bajo el brazo nun podemos pidir muncho más.

PD: por cierto, 2027 va ser la nuestra décima edición y va tar permitío incumplir la mentada norma.