Ello yera per 2015, cuando el Prestoso daba los primeros reblagos, qu’echó a andar el nuestru idiliu con estos cinco rapazos de La Plata. Apaecieron cuasi al amanecerín ente los montes de Xedré namoraos de la guapura del suroccidente asturianu. Tanto que decidieron quedar tol fin de selmana a disfrutar del festival y d’esti requexu que tanto atrapa.

Pasaron yá once años y, como vos podéis figurar, qu’una banda como EL MATO A UN POLICIA MOTORIZADO vuelva a pisar l’escenariu del Prestoso fainos tanta ilusión como aquella primer vez. Los sos himnos, esos qu’anguaño yá trespasen océanos y continentes, van restallar otra vuelta no que va ser una cita pa nun la escaecer enxamás.