Ortiga yá foi portada de la prensa asturiano por armar el matu nel vermú del Prestoso en 2018. Aquel sábadu, raspiando los 40º, foi un puntu d’inflexón nesta cita del suroccidente asturianu pa con un artista que yá nos visitara col proyectu anterior, Esteban & Manuel. Esi día acuñáronse términos como “la verbena del Prestoso”, “les congues del Narcea” y delles espresiones más qu’anguaño faen parte del argot prestosu.

Diba ser un error ponenos a contar la paleta d’estilos que, con maestría, el gallegu fai de so hasta llograr que la palabra “verbena” se tracamundie col so propiu nome. Munchu humor pero poca broma; una puesta n’escena renovada que raspia la escelencia nun directu onde los vientos y el so fiel escuderu Xavi Cea nun permiten descensu nel nivel de prestor.

Dir preparando esi físicu, porque esta actuación ta llamada a quedar grabada pa siempre. Chicho, ¡el Prestoso adora en ti!