¿Cómo ye posible qu’Axolotes Mexicanos nun subieran tovía al escenariu del Prestoso? Nun sabemos por qué tuvimos qu’esperar tanto, pero ye daqué que nos fai mui felices y que vamos celebrar como merez. La banda sabe que xuega en casa y podíemos asegurar que tolos sos integrantes pisaron el nuestru prau n’ediciones anteriores, como visitantes o actuando con otres formaciones.

Los Axolotes, con tres integrantes de la tierrina nes sos files, son un proyectu inclasificable que bancia pente soníos imposibles d’enumberar y un imaxinariu únicu. Lo suyo nun ye la pleitesía a sonís pretéritos y dicten el so propiu camín, esi que vien ganando en solidez y contundencia, pero ensin dexar pa prau la frescura y la irreverencia. Una banda que, con Olaya a la cabeza, tresmite veteranía y mocedá eterna al tiempu.

Un proyectu imprescindible y seminal que foi biltu de munchos más proyectos y que, a la fin, vamos tener el prestor de disfrutar nel Prestoso 2026.