Nun dicimos mentira: daqué polo qu’allampemos en toles ediciones del Prestoso yera llograr que Nadadora s’axuntaren y, yá puestos, que fixeren parte del nuestru cartel. Y tamos de suerte porque la nuestra 9ª edición va concedenos esi deséu.

¡El so primer discu en 15 años! ¿Sois a figuravos lo que significó pa nós escuchar esos primeros acordes d’«Aparecer»?

Pa estos cuatro amigos, Nadadora ye una banda clave no musical, pero muncho más no emocional. Nel añu 2008 los nuestros caminos cruciaron pela primera vez y, anque nunca tuvieren nel nuestru festival, asegurámosvos que tienen parte de culpa de que cada branu exista esta llocurina llamada «Prestoso Fest». Una especie de puntu de partida pa que sigamos faciendo coses como esta.

Lleguen con ‘Mañana y siempre’, un discu con una voz propia, inconfundible, honesta y col nuestru queríu Martí Perarnau colándose na producción d’estos seis cantares nuevos que van sonar nel escenariu de Las Barzanieḷḷas, onde posiblemente a más d’ún se nos caya dalguna llarimina en prau.