La Rate Timide garró la nuestra atención nun conciertu al que lleguemos cuando tovía nun les conocíemos de nada. De magar aquel día, activemos el radar que fuimos alimentando colos cenciellos que publicaron en tol 2025 hasta dar forma al so primer trabayu: ‘Ya lo han hecho antes’. Un debú enllenu d’himnos, pero de verdá. Asegurámoste que cuando-y deas al play vas danos la razón y va quedar más que xustficáu esi símil tan masuñáu.

Paula, Jaione, Carla y Janire declárense crítiques, divertíes y feministes. Practiquen lo qu’elles mesmes denominen «punk elegante», pero, perriba de too, tienen un discursu propiu y claramente posicionáu nel llau correctu d’esti mundu, faciéndonos parte del glayíu, l’enfadu y la reivindicación. Posiblemente yá se fixo primero, pero naide como elles.