From ye l'alies de Fernando Romero, activu dende 2019. Fernando entamó grabando en solitariu, atrayíu polo analóxico, les voces cercanes y les pequeñes imperfecciones de trabayar ensin apolazar. Les sos primeres canciones tiraben escontra un pop lluminosu y artesanal, pero adulces fueron derivando escontra daqué más inciertu.

Tres de treslladase a los Países Baxos, la so música volvióse más pausada y espansiva. L'espaciu y la repetición pasaron a ocupar un llugar central, y la so voz alloñóse de la confesión direuta p'adoptar una presencia más contenida. A lo llargo de la so obra apaez un xuegu sutil cola afinación: harmoníes llixeramente desafinaes, voces que se doblen o que se desdibuxen nos cantos, melodíes que resulten familiares pero que nunca terminen d'asitiase. Na so música persiste un venceyu cola melodía clásica de los sesenta, magar qu'eses pulsiones conviven con arreglos más escuros y fragmentaos, onde'l ritmu paez suspendíu y l'atmósfera garra protagonismu.

Nos últimos años, elementos del *post-punk*, el dub o la coldwave fueron filtrándosenel so llinguaxe ensin convertise en xestos estilísticos evidente.