Si esperes dqué predecible, Fee Reega nun ye la to artista. Esta alemana afincá n'Asturies creó un universu propiu qu'ella mesma llama "folk problemáticu", un amiestu hipnóticu de psicodelia, cantar d'autor escuru y una honestidá que te dexa ensin defenses.

La so presencia ye un imán de singularidá: con una voz que paez venir d'otru tiempu y una llírica que disecciona la realidá con precisión de ciruxana, Fee llogra que'l públicu pase del silenciu absolutu a la fascinación total en pocos segundos.

​Lo que de verdá la fai inclasificable ye la so capacidá pa xugar col humor negru y lo inesperao metanes una atmósfera que paecía delicao. Nos sos direutos, la guapura de les sos composiciones atópase con una actitú punk y un desparpayu que te dexa col plasmu nel cuerpu; ye capaz de soltar la frase más cruda cola sorrisa más dulce.

El so pasu pol Prestoso Fest promete ser una d'eses esperiencies que nun se puén esplicar, solo se pueden sentir: un viaxe delirante, tienru y selvaxe que te va facer duldar de si tas nuna aldea asturiana o nún cabaret berlinés.