Preloader

Asitiamientos

El Prestoso Fest medra porque anguaño añadimos dellos asitiamientos nuevos onde vais poder disfrutar de la música, el vinu y el monte.

ESCENARIU CANGAS DEL NARCEA (XEDRÉ)

El prau del Prestoso Fest. Quien yá vinistis sabéis de lo que tamos falando. Quien venís pela primer vez yá nos contaréis. El prau Funsiquín, a unos 25 km de Cangas del Narcea, va volver a ser el corazón del festival, el sitiu onde van facese los conciertos del vienres y el sábadu de tarde/nueche.

Namás va tar permitío entrar nel escenariu Cangas del Narcea comprando l’abonu del Prestoso Fest 2022 o la entrada válida pa ún de los tres díes de festival.

ESCENARIU MOMENTOS ALHAMBRA (CANGAS DEL NARCEA)

L’escenariu Momentos Alhambra, asitiáu nel barriu d’El Fuexu, en Cangas del Narcea, va acoyer les actuaciones de baldre del xueves 4 y el sábadu 6 d’agostu, convirtiéndose nun espaciu onde la cerveza convida a saborgar les sos referencies al compás de les meyores propuestes musicales.

PARADOR MONESTERIU DE COURIAS (COURIAS)

Ún de los espacios más preciaos polos prestosinos y prestosines ye’l Parador Monesteriu de Courias, que d’esta vez va valinos como puntu d’alcuentru’l xueves, 4 d’agostu. Dende’l mediudía van poder descambiase los abonos poles pulseres del festival y disfrutar d’un actín de bienvenida en patiu.

LA CABANA’L CACHICÁN / BODEGA MARTÍNEZ PARRONDO (LAS BARZANIEḶḶAS)

Sumamos a la nuestra llista prestosa’l sitiu de Las Barzanieḷḷas, a malpenes 2 quilómetros de Cangas del Narcea, au puede llegase andando al traviés d’una ruta guapa pel Paséu del Vinu dende’l centru de Cangas. El vienres, 5 d’agostu, vamos disfrutar ente viñes de les vistes d’un de los viñeos mayores de la contorna al son de la música y el vinu. L’aforu ye restrinxíu, polo que l’actividá rique inscripción previa.

Close
Sign in
Close
Cart (0)

No products in the cart. No products in the cart.