Preloader

FAQs

El Prestoso Fest celébrase nel pueblu de Xedré, conceyu de Cangas del Narcea, nel suroccidente d’Asturies. Nel corazón del Parque Natural de les Fontes del Narcea, Degaña y Ibias. Agradecemos que tengas esto en cuenta siempre y, sobre manera, tolo qu’ello supón. L’accesu al llugar ye pela carretera comarcal CN-9 dende Rengos.

Cangas del Narcea, el nucleu de población más importante de la zona, atópase a menos de 25 km pela AS-15.

Equí podéis ver la llocalización en Google Maps y equí, un planu con llugares y distancies al Prestoso Fest.

El festival principia’l xueves, 4 d’agostu, con una recepción nel Parador de Courias. Ehí vas poder descambiar la to entrada por un pulsera dende les 15 hores mentes disfrutes del patiu del recintu y l’ambientación musical. Depués van empezar los conciertos nel Escenariu Momentos Alhambra, nel parque d’El Fuexu, alredor de les 20 hores.

El recintu del festival va abrir el vienres, 5 d’agostu a les a les 19 hores. 

El sábadu, 6 d’agostu, l’apertura del recintu va facese también a les 19:00h tres de la Verbena del Prestoso, que va celebrase nel Escenariu Momentos Alhambra en Cangas del Narcea.

La zona d’acampada va abrir les puertes dende’l xueves, 4, d’agostu, a les 12 hores, hasta’l llunes, 8 d’agostu, a les 12. 

Recuerda que ye una zona d’acampada, non un camping. En cuantes a los servicios, namás va contase con baños y duches. En Xedré hai dos chigres abiertos, onde vas poder tomar un almuerzu curiosu.

Rogamos que cuando marches dexes el prau como lu topasti. O inclusive meyor. Nun vamos pidite que vayas a la yerba, eso yá lo fai’l dueñu. ;)

P’acceder al recintu del festival, nel Prau Funsiquínva ser necesario tener una pulsera acreitativa tres de descambiar l’abonu del festival o la entrada de día. Vas poder descambiar la to pulsera dende’l xueves, 4, nel Parador de Courias, nel escenariu Momentos Alhambra o’l vienres, 5, na entrada del recintu n’abriendo les puertes del festival.

Recomendamos a tolos prestosinos que tean acreitaos cuanto primero y que carguen les sos pulseres pa evitar fileres innecesaries. 

Non, la pulsera d’entrada nel festival ye personal y intresferible. Toles pulseres rotes o con daños van ser inválides pal accesu y les compres nel interior del festival. 

Puedes comprar les tos entraes en prestosofest.comal traviés de Wegow o na taquilla del festival. Aconseyamos que les compres con antelación, yá que l’aforu ye mui escasu. Nun queremos que quedes ensin la to entrada. 

Correcto, nun ye necesario comprar l’abonu pa los tres díes, yá que tamién disponemos d’entraes pa una xornada. Eso sí, avisamos que les entraes de día son bien llimitaes.

Dende la zona d’acampada nun va llevate más de 5 minutos andando pa llegar al recintu del festival.

Si tais agospiaos en dalgún otru sitiu del Parque Natural de les Fontes del Narcea, Degaña y Ibias, non, anque yá sabéis que vamos poner autobuses a la vuestra disposición. ;) 

Como vos comentábemos nel apartáu anterior, disponemos d’un serviciu d’autobuses, dende’l recintu a Cangas del Narcea y viceversa, con paraes intermedies nos pueblos qu’hai de camín. 

Puedes consultar los horarios y les paraes nel enllaz qu’apaez de siguío: siguiente página.

Amás, Cangas del Narcea cuenta con un serviciu de taxis que funciona de forma maraviyosa y una tarifa bien económica pa cuatro persones. Dexámosvos los númberos de teléfonu +34 985 81 33 33 y +34 985 81 70 70.  

Encamentamos l’usu del Bus Prestoso o’l taxi pa evitar tolo posible acceder en coche a Xedré. 

Sí, va ponese una zona d’aparcaderu pequeña a pocos metros del recintu, xunta la zona d’acampada, pa poder aparcar cómodo. 

Amás, va haber un área acotada pa furgonetes y caravanes na propia zona d’acampada. L’aparcaderu ye mui escasu, conque la nuestra recomendación ye garrar el Bus Prestoso, taxi o compartir coche.

Los menores de 17 años van poder acceder de baldre acompañaos d’un adultu. Amás, pa lo más menudo encamentamos l’usu d’auriculares pa protexer los oyíos.

El padre, la madre, el tutor o la tutora llegal van tener que firmar una autorización que puede descargase nesta web o solicitala na taquilla del festival.

Descargar autorización.

La mocedá d’ente 17 y 21 años dispón d’una promoción d’abonos a un preciu reducíu de 40 €. Tamién van contar con un descuentu adicional de 5 € si poseen el Carné Mozu Européu. 

Sí. Esti festival ta comprometíu col mediu ambiente y, por supuestu, cola vida animal. Namás pidimos que la mascota vaya atada, contolada y que’l dueñu respuenda por ella.

Recuerda llevar bolses, nun nos prestaría pisar caca en prau. 

Nun ta permitío acceder al festival nin con bebida nin alimentos de fuera. 

Dientro del recintu vamos tener un serviciu de barra con venta de bebida con y ensin alcohol, amás d’una ufierta gastronómica bárbara. 

Vas poder comprar comida vexetariana, vegana y ensin gluten. 

¡Prestosín necesita la to collaboración pa sobrevivir al iviernu duru!

Nel recintu nun va haber máquina de tabacu nenguna. Pese a haber un par de chigres cercanos onde quiciabes puedas consiguilo, encamentámoste facer cálculos y provisión pa nun tener que pidir pitos depués.

Eso sí, pidímoste usar los ceniceros que van tar repartíos per tol recintu pa que nun quede’l prau estráu de paves.

Esa ye la idea, pero yá sabéis cómo va esto. Perdonái cualesquier retrasu mínimu que pueda producise de forma inevitable.

Ai, el tiempu. Tan imprevisible. Anque seya agostu, pela nueche puede tar fresco en monte, conque daqué abrigu nunca nun vien mal. 

Recuerda qu’esto ye’l Paraísu, esto ye Asturies: ¡impermeable siempre, por si acasu! 

Tamién calzáu cómodo y resistente al agua. El prau nun ye un sitiu apode pa llevar nin tacones nin sandalies. 

Eso sí, tampoco nun escaezas la crema solar porque cuando’l sol pica, pica muncho.

La bebida, comida y merchandising oficial del festival vas poder pagalo cola to pulsera electrónica. 

La pulsera recárgase nos puestos asitiaos lo mesmo nel recintu que nel escenariu Momentos Alhambra. La recarga mínima ye de 5 €. 

Encamentámoste facer una previsión de gastu personal nel festival pa nun tener que recargar la to pulsera de contino. 

Recuerda que vas poder recuperar el dineru ensin gastar en rematando’l festival, nel plazu afitáu y col pidimientu espresu del usuariu. 

Tenemos TPV rellumantes pa que nun tengas problema nengún a la de recargar la to pulsera. 

Sicasí, encamentámoste que tengas siempre dineru n’efectivo porque nunca nun se sabe. Tamién va aceptase, por supuestu, el pagu n’efectivo pa recargar la tarxeta. 

Los pagos nel Market Prestoso van poder facese n’efectivo o con tarxeta de creitu o débitu, según la disponibilidá de cada comerciante. 

Necesitamos que vengas coles piles cargaes y muncha gana de pasalo bien, facer amigos, dar besos, fozar pel prau y metete nel pogu. 

Nós tamos naguando depués d’esti parón de dos años y, polo que vemos, ¡los prestosinos más tovía!

Recuerda siempre que tas nun parque natural. Sé llimpiu y formal. Nun tires les paves al suelu, recicla los tos residuos… dexa namás les tos buelgues. 

Nel Prestoso Fest tamos en contra de cualesquier tipu de violencia y a favor de la diversidá nel sentíu más ampliu de la palabra. 

¡Prestosín quierte comoquiera que seyas! 

Close
Sign in
Close
Cart (0)

No products in the cart. No products in the cart.